「人越大，越難找到交心的朋友。」呢句說話聽左好多年啦，好悶啊！
最近流行快閃旅行，作為過來人同出來社會工作一段時間既我更認同「人越大，越難找到肯和你一起快閃旅行的知己！」。
首先，大家唔好搞錯，「快閃旅行」跟「旅行」係唔同！近年廉航當道，數百元港幣就可以買到台灣來回機票、一千多元就去日本韓國，去轉台灣仲平過去澳門呀！「快閃」故然之係即興，買航空公司Last Minutes既優惠機票，分分鐘連酒店都未book、行程未plan好，幾日後就要飛。「快閃」另一個定義就係來個極速旅行。香港打工仔平均既年假唔多，部份更係放勞工法例最basic既年假（一年7日咋！）。有D朋友甚至連一、兩日既Annual Leave都慳番，唔請假，星期五晚放工，星期日晚番，第二日如常工作，來個Weekend短旅行，都係為左要透透氣…
通常，每問到身邊朋友「快唔快閃？」，可能大家會得到呢D回應：
「點解要咁虐待自己去得咁急？唔輕輕鬆鬆去個旅行？慢慢plan仲好啦～」
「我無假啦！今年D假已用哂…」
「我都想飛但飛唔到呀… 今個Weekend又要番去OT啦！」
「我想飛呀！我今個月28號之後先去到～我個仔今個月考試… 」
對於呢種新式既旅行方式真係唔係人人都接受到，有D人會覺得像勞役般辛苦。再者，要買到平機票，出發同回程既日子就一定要夠Flexible，見到平機票係你搶機票，唔係比你慢慢選日子，不然就會錯失買平機票既機會。身邊又有幾多個朋友份工可以咁Flexible，可以隨時請到假同你一齊快閃呢…？到了適婚年齡，身邊朋友陸續結婚，甚至生了Baby，忙於照顧自己家庭。不如自己一個快閃更方便啦！係咪？！
有些人覺得「快閃旅行」浪費自己心力和時間，唔夠盡興。我只能說「快閃」係一種旅行態度，每人喜歡既旅行方式不同啊！
人年紀越大，責任就越大，往往會受一些外在因素和現實社會限制著。
我倒覺得當你身邊仲有一個/ 一些肯同你快閃旅行既知己，請好好珍惜他們和把握你的快閃旅行！
知己，我慶幸找到了，你找到了嗎？
老友，幾時再出發呀？！今個Weekend？
喜歡我的文章，請在Facebook給我按個讚，以示鼓勵唷！♥
www.facebook.com/travelwithv
